04 мар 13:33
Новости

"Милан" жамоа етакчиларидан бири билан шартномани 2030 йилга қадар узайтирди

"Милан" ва Тижани Рейндерс шартномани узайтирди.

26 ёшли ярим ҳимоячининг клуб билан тузган янги шартномаси 2030 йилнинг 30 июнига қадар амал қилади. Янги шартнома бўйича Рейндерснинг маоши 1,7 млн евродан 3,5 млн еврогача ошади.

Рейндерс 2023 йилнинг ёзидан бери "Милан" шарафини ҳимоя қилмоқда. Нидерландиялик футболчи жорий мавсум А Серияда 26 та ўйинда 8 та гол ва 2 та голли узатмага муаллифлик қилди.