05 окт 10:52
Новости

Теннис

Мирра Андреева China Open 1/4 финалида тўхтатилди

Хитой пойтахти Пекин шаҳрида ўтказилаётган теннис бўйича нуфузли WTA 1000 тоифасига кирувчи турнирда 1/2 финал иштирокчилари маълум бўлди.

WTA рейтингида 22-поғонада бораётган россиялик 17 ёшли Мирра Андреева 1/4 финалда дунёнинг еттинчи ракеткаси, хитойлик Чжэн Циньвэнга муносиб қаршилик кўрсатганига қарамай, якунда 7/5, 0/6, 4/6 ҳисобида ютқазди. Чжэн ҳал қилувчи учинчи сетда 2/4 ҳисобида ютқаза туриб, якунда ғалабани ўз томонига оғдириб олди.

Бу теннисчиларнинг ўзаро ўтказган илк учрашуви бўлди. Икки соату 30 дақиқа давом этган баҳсда Андреева 1, Чжэн 5 та эйс зарбасини амалга оширган. Қўшхатолар Чин юрти вакиласида кўпроқ бўлди. Брейклар бўйича ҳам табиийки, Чжэн Циньвэн устунлик қилди - 9 га 6.