12 дек 19:27
Новости

Теннис

Мирра Андреева "Йил кашфиёти" бўлди

Айни пайтда WTA рейтингида 57-ўринни эгаллаб турган Мирра Андреева "Йил кашфиёти" номинациясида ғолиб деб топилди.

Россиялик 16 ёшли иқтидор эгаси рақобатчилари россияликлар Диана Шнайдер ва Элина Аванесян, америкалик Пейтон Стирнс ҳамда чехиялик Линда Носковаларни ортда қолдиришга муваффақ бўлди.

Эслатиб ўтамиз, Андреева шу йилнинг апрель ойида катталар ўртасидаги мусобақаларда иштирок эта бошлади. Қисқа фурсатда у рейтингда 255 поғонага кўтарилишга эришди. Катталар ўртасидаги Уимблдон турнирида тўртинчи, "Ролан Гаррос"да учинчи даврагача етиб борди. W60 тоифасига кирувчи иккита ITF турнирларида бош совринни қўлга киритди.