11 июл 06:33
Новости

Бокс/ММА

Мишель Соро Мадримовга қарши кечган яна бир "омадсиз" жангга изоҳ берди

Хабарингиз бор, 9 июль куни Лондонда, Мишель Соро Исроил Мадримовга қарши WBA Eliminator камари учун жанг қилган эди.

Гувоҳига айланганингиздек, жанг учинчи раундда франциялик чарм қўлқоп устасининг жароҳат олгани боис, техник дуранг билан якунланган эди.

Мишель ушбу жангни қуйидагича изоҳлади:

"Афсуски, жанг учинчи раунд аввалида очиқ жароҳат туфайли техник дуранг билан якунланди. Қандай ёқимсиз ҳолат! Ўзимни яхши ҳис қилдим, жанг 12 раунд давом этади, деб ўйлагандим!

Бироз дам олиб, машғулотларга қайтаман, сабаби учинчи жанг тез орада бўлиб ўтади. Қўллаб-қувватлаган барчага раҳмат, мен буни ҳис қилдим! Раҳмат, тез орада кўришгунча!", - деб ёзган Соро ижтимоий тармоқдаги саҳифасида.

Аввалроқ, ҳамюртимиз Исроил Мадримов ҳам жанг ҳақидаги фикрларини билдириб ўтган эди.