01 янв 17:45
Новости

MMA Fighting 2024 йилнинг энг яхши жангчисини эълон қилди

Дунёга машҳур MMA Fighting нашри якунига етган 2024 йилнинг энг яхши аралаш яккакураш устасини аниқлади.

Ярименгил вазнда амалдаги UFC чемпиони Илия Топурия (16-0) нашр томонидан 2024 йилнинг энг яхши жангчиси деб топилган. 27 ёшли асли келиб чиқиши грузиялик, ҳозирда Испания шарафини ҳимоя қилаётган Илия Топурия 2020 йилдан UFC промоушенида ўз жангларини ўтказиб келяпти.

Топурия ўтган йилнинг февраль ойида ўтказилган UFC 298 турнири доирасида собиқ pound-for-pound рейтингида пешқадами, австралиялик собиқ чемпион Алекс Волкановскини иккинчи раундда нокаутга учратиб, вазннинг янги чемпионига айланган эди. У ўзининг сўнгги жангини Абу-Дабидаги UFC 308 турнирида америкалик собиқ чемпион Макс Холлоуэйни учинчи раундда нокаутга учратган эди. Бу Илиянинг илк чемпионлик ҳимоя жанги эди.