13 сен 08:32
Новости
Спортивная борьба
Мўминжон Абдуллаев жаҳон чемпионатининг бронза медали учун гиламга чиқади
Хабар берганимиздек, шу кунларда Сербия пойтахти Белград шаҳри спорт курашлари бўйича жаҳон чемпионатига мезбонлик қиляпти.
Бугун юнон-рум курашчиларимиздан Мўминжон Абдуллаев жаҳон чемпионатининг бронза медали учун гиламга чиқади. 130 кг вазнда курашаётган уч карра Осиё ўйинлари ғолибининг бронза медали учун беллашувдаги рақиби ўтиш босқичидаги баҳсдан сўнг аниқланади. Украиналик Олександр Чернецкий ёки руминиялик Алин Чиураруи Мўминжон Абдуллаевга рақиблик қилади.
Эслатиб ўтамиз, 55 кг вазнда курашган Жасурбек Ортиқбоев бронза медалини қўлга киритган бўлса, 82 кг вазнда юртимиз шарафини ҳимоя қилган Жалгасбай Бердимуратов жаҳон чемпионатининг кумуш медалига сазовор бўлди. Қолган терма жамоамиз аъзолари мағлубият аламини тотиб кўришган.
Ссылка :
Источник : olamsport.com
Комментарии