26 фев 14:32
Новости

Моуринью "Галатасарой" - "Фенербахче" ўйинидан кейин ҳакамлар хонасида бўлган суҳбат тафсилотларини ошкор этди

"Фенербахче" бош мураббийи Жозе Моуринью "Галатасарой" (0:0) билан ўйиндан кейин нима учун ҳакамлар хонасига борганига изоҳ берди.

"Ўйиндан кейин ҳакамлар хонасига бордим. Мен Славко Винчичга: "Бу ерга келиб муҳим ўйинни бошқарганинг учун раҳмат," дедим. У ерда туркиялик ҳакам ҳам бор эди. Кейин унга ўгирилиб, "Агар бу ўйинни туркиялик ҳакам бошқарганида, бу фалокат бўларди," дедим," - деди Моуринью.

"Галатасарой" Туркия чемпионати турнир жадвалида 24 ўйиндан сўнг 64 очко тўплаган ҳолда пешқадамлик қилмоқда. "Фенербахче" иккинчи ўринда бормоқда, Жозе Моуринью жамоаси ҳисобида 58 очко бор.