Мовсар Евлоев Лерон Мерфига "вызов" ташлади

Бунинг учун Евлоев ҳозирда рейтингнинг тўртинчи поғонасида бораётган мағлубиятсиз Леон Мерфига қарши жанг қилмоқчи. У промоушен раҳбарлари чемпион Александр Волкановски учун навбатдаги рақиб сифатида ўзини танлашмаганидан хафа бўлмоқда.

"Лерон Мерфи, мен сенга биринчи рақамли даъвогар билан жанг қилиш имконини бераман. Одамларингга мен билан чемпионлик жанги бўлиб ўтадиган турнирда октагонга чиқишга тайёр эканингни айт", - деб ёзди Евлоев ижтимоий тармоқдаги саҳифасида.

Бу хабар Мерфининг UFC Александр Волкановскини бир йилдан камроқ вақт олдин мағлуб этган Диего Лопес билан реванш жангини белгилаганини эшитиб, ҳафсаласи пир бўлганига муносабат бўлди.

"Энг ёқимсиз нарса - энг буюк ярим енгил вазнли жангчилардан бири билан жанг ўтказиш имкониятини қўлдан бой бериш. Энди ким кучлироқ экани муҳим эмас, фақат машҳурлик муҳим", - дейди Мерфи Волкановски - Лопес 2 жанги ҳақидаги хабарга изоҳ бериб.

Маълумот учун, 34 ёшли Лерон Мерфи профессионал ММАда 18 та жанг ўтказиб, 17  ғалаба ва 1 дурангга эришган. Ўша ягона дуранг натижасини 2019 йилда россиялик Зубайра Тухуговга қарши жангда қайд этган. Шу йилнинг август ойида бўлиб ўтган сўнгги жангида у Аарон Пикони биринчи раунддаёқ нокаутга учратди.

31 ёшли Мовсар Евлоев эса фаолиятидаги 19 та жангининг барчасида ғалаба қозонган. У сўнгги жангини 2024 йилнинг декабрида Алжамейн Стерлингга қарши ўтказиб, америкалик рақибини ҳакамларнинг якдил қарори билан мағлуб этганди.