17 апр 16:07
Новости

Бокс/ММА

Мовсар Евлоев навбатдаги жанги тафсилотларини ошкор қилди

UFC ярим енгил вазн тоифаси рейтингида бешинчи ўринни эгаллаб турган Мовсар Евлоев навбатдаги жанги ҳақида маълумот берди.

"29 июнь куни UFC 303 турнирида исталган рақибни бурдалаб ташлашга тайёр бўламан. Бу жанг мени камар учун яқинлаштиради. Яъни, ундан кейинги жангим чемпионлик учун бўлади", - дея ўзининг ижтимоий тармоқдаги саҳифасида хабар қолдирган Евлоев.

Мовсарга мағлубиятга учраган Диего Лопес ўша жангдан кейин кетма-кет учинчи ғалабасини қўлга киритди. Лопес UFC 300 турнирида Содик Юсуффни биринчи раунддаёқ нокаутга учратди.

"Мен Дана Уайтдан Мовсар Евлоевга қарши реванш жангини ташкил қилиб беришини сўрадим. Мовсарни ютганимдан кейин камар учун Испанияга йўл оламан", - деган Лопес.

Ўтган йилнинг май ойида Диего Лопес қисқа муддатда Мовсар Евлоевга қарши жангга рози бўлган ва якунда ҳакамлар қарорига кўра ютқазганди. Айни пайтда бразилиялик рейтингда 14-ўринни эгаллаб турибди.