27 июн 15:52
Новости

Бокс/ММА

MPL'нинг Саидёқуб Қаҳрамонов билан шартномаси ўз кучидами?

Muradov Professional League раҳбарларидан бири Жасур Алижонов собиқ UFC жангчиси Саидёқуб Қаҳрамонов билан боғлиқ вазият ҳақида гапирди.

- Бир неча ой аввал Саидёқуб Қаҳрамонов билан шартнома имзоланган эди. Қаҳрамоновни MPL 8 мусобақасида кўрамизми?

- Шартнома ўз кучида. Лекин билмайман MPL 8 ёки MPL 9 турнирида жанг қилади. Лига буни келишиб бўлган. Агар Қаҳрамонов бошқа лигада уришаман, деса ҳам унга бошқа лигада жанг қилишга рухсат берилган. UFC шартнома берса, UFC'да ҳам уришаверади. Лекин Ўзбекистонда, Осиё бўйича биз билан шартномаси амал қилади, яъни бизда жанг қилади. Бу аниқ. Шунинг учун ҳам, биз Самарқандга мусобақа қилиш учун борган эдик. Айрим сабабларга кўра, мусобақамиз қолдирилди.

Аввалроқ, май ойи охирида Самарқанд шаҳрида MPL 8 мусобақаси ўтказилиши ва унинг марказий жангида Саидёқуб Қаҳрамонов октагонга кўтарилиши ҳақида айтилган эди.