26 июл 09:05
Новости

Бокс/ММА

Муҳаммад Алининг чемпионлик камари бир неча млн. долларга сотилди

Афсонавий америкалик боксчи, супероғир вазнда мутлақ жаҳон чемпиони Муҳаммад Алининг чемпионлик камари кимошди савдосида сотилди.

Аукционда Миллий футбол лигаси иштирокчиси "Индианаполис Колтс" жамоаси хўжайини Жим Ирсэй ғолиб бўлди. У 6 миллион 180 минг доллар эвазига афсонанинг чемпионлик камарини сотиб олди.

Маълумот учун, Али WBC чемпионлик камарини 1974 йилнинг 30 октябрь куни ўша пайтдаги Зоир (ҳозирги Конго Демократик Республикаси) давлатида ўтган жангда яна бир афсона Жорж Форманни нокаутга учратиб, қўлга киритган эди.