18 окт 13:17
Новости

Бокс/ММА

Мужибилло Турсунов WBC Гран-при 1/2 финали олдидан тарозига чиқди + ФОТО

Эртага Саудия Арабистони пойтахти Ар-Риёд шаҳрида бокс бўйича WBC Гран-присининг 1/2 финал жанглари ўтказилади.

Хабарингиз бор, яхшигина мукофот жамғармасига эга ушбу турнирда ҳамюртимиз Мужибилло Турсунов ҳам ўзининг ғолибона юришини давом эттиряпти. Бироз аввал 1/2 финал иштирокчилари расмий тарозидан ўтиш ҳамда face to face маросимларида ҳозир бўлишди.

Турсунов финал чиптаси учун украиналик Данило Лозанга қарши рингга кўтарилади. Тарозида Мужибилло рақибидан енгилроқ тош босди. Лозан - 64,3 кг, Турсунов эса роппа-роса 64 кг вазн кўрсатди.

Маълумот ўрнида, чарм қўлқоп устамиз проф фаолияти давомида ҳозирга қадар 8 та жанг ўтказиб, барчасида ғалаба қозонган. Лозан ҳисобида эса 15 та ғалаба бор.