08 авг 13:02
Новости

Теннис

Мукофот жамғармаси 6 млн доллар бўлган турнир иштирокчилари тасдиқланди

Саудия Арабистони нафақат бокс, UFC, балки бошқа спорт турлари, хусусан теннисда катта мусобақалар ташкил қилмоқда.

15-18 октябрь кунлари Ар-Риёд шаҳрида Six Kings Slam турнири бўлиб ўтади. Кўргазмали мақомдаги ушбу мусобақада дунёнинг олти нафар теннис юлдузи бош соврин учун кортга чиқади.

Ташкилотчилар томонидан турнири иштирокчилари тасдиқланди. Улар ATP рейтингида Топ-6`таликдан жой олган: Янник Синнер (Италия), Карлос Алькарас (Испания), Александр Зверев (Германия), Тэйлор Фриц (АҚШ), Жек Дрэйпер (Буюк Британия) ва Новак Жокович (Сербия).

Ўтган йили Six Kings Slam турнирида сайёрамизнинг биринчи ракеткаси Янник Синнер бош совринни қўлга киритганди. Ўшанда мусобақанинг соврин жамғармаси 6 миллион АҚШ долларини ташкил этганди. Бу йилги турнир мукофот жамғармаси ҳали ошкор қилинмаган.