29 сен 11:11
Новости

Фехтование

Муса Аймуратов Бельгияда чемпион бўлди, Дайибекова ҳам шоҳсупада + ФОТОГАЛЕРЕЯ

Бельгия давлатида ўтказилган қиличбозлик бўйича нуфузли Satellite турнири Ўзбекистон терма жамоаси аъзолари учун омадли келди.

Аргентина, Австралия, Бельгия, Украина, Чехия, Испания, Италия, Франция, Буюк Британия, Венгрия, Нидерландия, Туркия, Сингапур сингари давлатлардан келган моҳир мушкетёрлар иштирокида ўтган мусобақада Муса Аймуратов олтин медални қўлга киритди. Ҳамюртимиз 1/2 финалда испаниялик Сантьяго Мадригални 15:10 ҳисобида мағлуб этди. Олтин медаль учун кечган финал баҳсида эса украиналик Андрей Ягодкадан устун келди — 15:12.

Satellite турнирининг аёллар ўртасидаги баҳсларида 104 нафар иштирокчи медаллар учун баҳсларга киришди. Олимпия ўйинлари иштирокчиси Зайнаб Дайибекова муросасиз кечган беллашувларда бронза медалига сазовор бўлди. Чемпионлик бельгиялик Жолиен Кортейнга насиб этди. Франциялик Луис Клейн кумуш медалга эга чиқди.