07 сен 10:32
Новости
Другие
Мустақиллик дарслари давом этмоқда
Ўзбекистон давлат жисмоний тарбия ва спорт университетида янги ўқув йилининг бошланиши муносабати билан талабалар учун мустақиллик дарслари бўлиб ўтди.
Айниқса, бу дарслар таниқли спорт усталари, Ўзбекистон ва жаҳон чемпионлари, маданият ходимлари иштирокида ташкил этилаётганлиги боис, яна ҳам катта аҳамият касб этмоқда. Ана шундай мустақиллик дарсларидан бири университетнинг Спортни бошқариш ва туризм факультети талабалари билан ўтказилди.
Унда ЎзДЖТСУ шахмат таълим йўналиши талабаси, Ҳиндистоннинг Ченнай шаҳрида бўлиб ўтган 44-Бутунжаҳон шахмат олимпиадасида ғолибликни қўлга киритган Ўзбекистон терма жамоаси аъзоси, “Ўзбекистон ифтихори” фахрий унвони соҳиби Ш.Воҳидов ҳам иштирок этди.
У дарс давомида Ҳиндистондаги шахмат бўйича олимпиада таассуротлари билан ўртоқлашди ҳамда талабаларнинг келгусидаги ўқиш ва ишларига улкан зафарлар тилади.
Ссылка :
Источник : olamsport.com
Комментарии