27 апр 18:40
Новости

Теннис

Mutua Madrid Open. 16 ёшли Андрееванинг юриши давом этади

Дунёнинг 43-ракеткаси бўлиб турган иқтидор эгаси Мирра Андреева Мадриддаги WTA 1000 турнири учинчи босқичига йўл олди.

Икки кундан сўнг 17 ёшга тўладиган россиялик теннисчи 1 соату 54 дақиқа давом этган иккинчи даврада WTA рейтингида 31-ўринни эгаллаб турган чехиялик Линда Носковани мағлубиятга учратди - 4/6, 6/3, 6/3. Бу билан у теннисчиларнинг ўртасидаги ҳисоб мувозанатини ҳам тиклаб қўйди - 1:1.

Андреева 4, Носкова 3 та эйс зарбани амалга оширган. Қўшхатолар чех теннисчисида кўпроқ бўлди - 7 га 2. Брейклар бўйича устунлик Мирра томонида - 7 га 5!