27 апр 20:04
Новости

Теннис

Mutua Madrid Open. Дунёнинг 8-ракеткаси баҳсни якунига етказа олмади

Сайёрамизнинг саккизинчи ракеткаси бўлиб турган Чжэн Циньвэнь омадсизликка учради.

Хитойлик теннисчи Мадридда давом этаётган нуфузли WTA 1000 турнирининг иккинчи давра учрашувини якунига етказа олмади. Бунга унинг жароҳати сабаб бўлди. Чин юрти вакиласининг WTA рейтингида роппа-роса 50-ўринни эгаллаб турган қозоғистонлик Юлия Путинцевага қарши учрашуви 5/7, 0/2 ҳисоби ҳолатида тўхтатилди.

Путинцева теннисчиларнинг ўзаро иккинчи учрашувида ҳам рақибасидан устун келди. Энди Юлия америкалик Каролин Долхайдга қарши кортга чиқади. Каролин иккинчи босқичда украиналик Ангелина Калининадан устун келган - 6/7(6), 6/2, 6/3.