28 апр 18:58
Новости

Теннис

Mutua Madrid Open. Рублёв учинчи давра иштирокчисига айланди

Испаниянинг Мадрид шаҳрида теннис бўйича "Мастерс" сериясига кирувчи нуфузли турнир давом этмоқда.

Дунёнинг олтинчи ракеткаси Андрей Рублёв Mutua Madrid Open турнирининг учинчи даврасига йўл олди. Россиялик теннисчи 83 дақиқа давом этган иккинчи давра баҳсида ATP рейтингида 84-поғонада бораётган швейцариялик Стэн Вавринкани 7/5, 6/4 ҳисобида мағлубиятга учратди.

Теннисчиларнинг ўзаро учрашувларидаги ҳисоб мувозанати тикланди - 2:2. Рублёв 9, Вавринка 7 та эйс зарбани амалга оширди. Иккала теннисчи ҳам қўшхатога йўл қўймаган. Энди Андрей учинчи босқичда Ёсихито Нисиокага қарши кортга чиқади. Япониялик теннисчи ўз ўрнида словакиялик Алекс Молчандан устун келди - 5/7, 6/4, 6/4.