12 июл 07:05
Новости

МЮ футболчиси "Фулхэм"га ўтди

Ярим ҳимоячи Андреас Перейра "Манчестер Юнайтед"дан кетди.

Бразилиялик футболчининг янги жамоаси "Фулхэм" бўлди. 26 ёшли футболчи билан Лондон клуби 2026 йилга қадар шартнома имзолади ва уни яна бир мавсумга узайтириш имконияти бор.

"Sky Sports" хабарига кўра, трансфердан МЮ 8 миллион фунт ишлаб олган, шунингдек, яна 2 миллион фунт бонуслар тарзида ваъда қилинган. Футболчининг кейинги трансферидан МЮ 20 фоиз маблағ ишлаб олади.

Перейра 2011 йилдан буён МЮга тегишли. У асосий жамоа таркибида 75 учрашувда қатнашиб, 4 гол урган.