23 мар 18:05
Новости

МЮ Онанани сотиб юбориши мумкин, клуб унга ўринбосар топди

Дарвозабон Андре Онана "Манчестер Юнайтед"ни тарк этиб, фаолиятини бошқа чемпионатда давом эттириши мумкин.

"Қизил иблислар" 28 ёшли африкаликни Саудия Арабистонига сотишга тайёр. Инглиз гранди раҳбарияти Онананинг ўрнига Франциянинг "Лилль" клубидан Люк Шевалье номзодини кўриб чиқмоқда. Унинг трансфер нархи 47 миллион еврога баҳоланмоқда.

Онана жорий мавсум 40 та ўйинда иштирок этиб, тўққизтасида ўз дарвозаси дахлсизлигини сақлаб қолди. Унинг шартномаси 2028 йилнинг ярмигача мўлжалланган бўлиб, бозор қиймати 32 миллион еврога баҳоланмоқда.