02 июн 09:38
Новости

Бокс/ММА

Наоя Иноуэ кейинги жанги Муроджон Аҳмадалиевга қарши ўтказилишини эълон қилди

Иккинчи энг енгил вазн тоифасида япониялик мутлақ жаҳон чемпиони Наоя Иноуэ кейинги жанги ўзбекистонлик WBA Interim чемпиони Муроджон Аҳмадалиев билан бўлиб ўтишини маълум қилди.

У 4 май куни америкалик Рамон Карденасни муддатидан олдин енгган бўлса, Аҳмадалиев 31 май куни мексикалик Луис Кастильони эрта таслим этганди. Ҳар икки боксчи ўз жангларида муваффақият қозонишганидан сўнг, уларнинг ўзаро тўқнаш келиши тасдиқланди.

Япониялик чарм қўлқоп устаси ўзининг X (Twitter)даги саҳифасида қуйидаги постерни улашиб, уни шундай изоҳлади: "Энди Нагоядаги жанг актуал".

Аввал хабар берилганидек, мутлақ чемпионлик жанги 14 сентябрь куни Япония пойтахти Токио шаҳрида ўтказилади.