07 янв 08:52
Новости

Бокс/ММА

Наоя Иноуэ The Ring талқинига кўра 2023 йилнинг энг яхши боксчиси деб топилди

АҚШнинг машҳур The Ring журнали 2023 йилнинг энг яхши боксчисини аниқлади.

Журналга кўра, япониялик чарм қўлқоп устаси Наоя Иноуэ ўтган йилнинг энг яхшиси бўлди. 30 ёшли Иноуэ 2023 йил давомида суперенгил вазн тоифасида Стивен Фултон ва Марлон Тапалесни мағлубиятга учратди. Бу билан у WBC, WBA, WBO ва IBF камарларини қўлга киритгани ҳолда мутлақ жаҳон чемпионига айланди.

Аввалроқ, ESPN нашри ҳам 2023 йилнинг энг яхши боксчиси сифатида Наояни қайд этган эди.

Маълумот учун, The Ring журналининг раҳбари Golden Boy промоутерлик компанияси эгаси Оскар де ла Хойя ҳисобланади.