07 сен 18:32
Новости

Бокс/ММА

Наоя Иноуэнинг ўзи ҳам Муроджон Аҳмадалиев билан жанг қилиш ниятида

Биринчи ярим енгил вазн тоифасида WBC ва WBO камарлари соҳиби, япониялик Наоя Иноуэ Муроджон Аҳмадалиев билан жанг қилиш ниятида эканини билдирди.

"Мен Марлон Тапалес билан жангдан кейин Жонриель Каземиро, Луис Нери ва Муроджон Аҳмадалиев билан жанг қилмоқчиман. Уларнинг барчасини мағлуб этсамгина, ярим енгил вазнга хотиржам ҳолда ўта оламан", - деди Наоя Япония телеканалига берган интервьюсида.

Маълумот учун, Наоя Иноуэ навбатдаги жангини филиппинлик Марлон Тапалесга қарши ўтказади. Муроджон Аҳмадалиев эса мексикалик Кевин Гонсалесни мағлуб этган тақдирда Иноуэ - Тапалес жанги ғолибига қарши рингга чиқади.