19 дек 17:55
Новости

Неймар ПСЖдан "Ал-Ҳилол"га кетишининг асл сабабини айтди

Бразилиялик ҳужумчи нима учун 2023 йилнинг ёзида ПСЖдан "Ал Ҳилол"га кўчиб ўтганини тушунтириб берди.

"Ал Ҳилол"нинг таклифидан сўнг ПСЖни тарк этишга қарор қилдим. Қароримга пулни ҳеч қандай алоқаси йўқ эди. Мен Парижда бахтли эмас эдим. Клуб ва мураббийлар мени жамоада кўришни исташмади. Улар билан бу ҳақида гаплашганимдан кейин Париждан кетиш вақти келганини тушуниб етдим.

Шундан сўнг "Ал Ҳилол" вакиллари мен билан алоқага чиқишди. Мен клуб, мамлакат маданияти ва чемпионат билан танишганимдан кейин Саудияга боришга рози бўлдим", — дея фикр билдирди Неймар.

Эслатиб ўтамиз, Неймарнинг "Ал Ҳилол" билан тузган шартномаси 2025 йилнинг ёзига қадар мўлжалланган. Футболчи жорий мавсум жароҳатлар сабабли атиги 42 дақиқа ҳаракат қилди.