06 июл 11:42
Новости

Бокс/ММА

Нейт Диас ва Хорхе Масвидаль тарозидан ўтиб олди

UFC промоушенининг икки собиқ жангчиси Нейт Диас ва Хорхе Масвидаль тарози маросимида иштирок этишди.

Бокс қоидалари асосидаги 10 раундлик жанг бугун (бизнинг вақт билан эртага тонг саҳарда) Калифорнияда бўлиб ўтади. 39 ёшли Диас тарозида — 79,65 кг, унинг тенгдоши Масвидаль эса — 79,47 кг вазн қайд этди.

Ўрта вазн тоифасида собиқ жаҳон чемпиони Дэниэл Жейкобс ҳам ушбу бокс оқшомида рингга кўтарилади. Катта танаффусдан сўнг рингга қайтаётган Жейкобс иккинчи ўрта вазн меъёридан сал кўпроқ тош босди — 76,75 кг. Унинг рақиби кичик Шейн Мозли эса 76,02 кг вазн кўрсатди.

Ушбу бокс оқшомини америкалик 18 ёшли иқтидор эгаси Кермель Моутон (60,55 кг) ҳамда АҚШда истиқомат қилувчи россиялик 36 ёшли Николай Бузолин (62,46 кг) ўртасидаги жанг очиб беради.