19 мая 16:08
Новости

Теннис

Нигина Абдураимова Францияда қийинчиликсиз 1/2 финалга чиқди

Франциянинг Сен-Годен шаҳрида теннис бўйича W60 тоифасига кирувчи турнир давом этмоқда.

Мукофот жамғармаси 60 минг еврони ташкил этувчи ушбу турнирда ҳамюртимиз Нигина Абдураимова ҳам муваффақиятли иштирок этяпти. Мамлакатимизнинг биринчи ракеткаси чорак финал учрашувида чехиялик Анна Сисковага ҳеч қандай имконият қолдирмади - 6/2, 6/1.

Таққослаш учун, турнирда еттинчи рақам остида таснифланган Нигина дунёнинг 181-ракеткаси бўлиб турибди. Рейтингнинг 354-поғонасида бораётган Сискова эса кеча турнирнинг учинчи ракеткасини мусобақадан чиқариб юборганди.

Эртага Абдураимова финал чиптаси учун америкалик Робин Монтгомерига қарши кортга чиқади. WTA рейтингининг 195-поғонасини банд этган Робин бугун чорак финалда франциялик Марго Рувройни 6/4, 6/2 ҳисобларида таслим этди.