14 фев 08:53
Новости

Теннис

Нигина Абдураимова илк даврадаёқ ютқазиб қўйди

Германиянинг Алтенкирхен шаҳрида теннис бўйича W75 тоифасидаги турнир давом этмоқда.

Мукофот жамғармаси 75 000 долларни ташкил қилувчи мусобақада ҳамюртимиз Нигина Абдураимова ҳам иштирок этди. Афсуски, мамлакатимизнинг биринчи ракеткаси бир куннинг ўзида ҳам яккалик, ҳам жуфтлик баҳсларида мағлубиятга учраб, турнирни жуда эрта тарк этди.

Абдураимова яккаликнинг илк даврасида германиялик Элла Сейделга қарши кортга чиқди. Етмиш беш дақиқа давом этган баҳсда турнирда бешинчи рақам остидан сараланган Сейдел 6/4, 6/4 ҳисобларида ғалаба қозонди. Бу теннисчиларнинг ўзаро ўтказган илк учрашуви эди.

Таққослаш учун, Нигина Абдураимова WTA рейтингида 248, Элла Сейдел 158-ўринни эгаллаб турибди.