26 окт 08:47
Новости

Теннис

Нигина Абдураимова Лафборода муваффақиятли старт олди

Буюк Британиянинг Лафборо шаҳрида теннис бўйича ITF 25 турнири бўлиб ўтмоқда.

Ушбу мусобақада ҳамюртимиз Нигина Абдураимова ҳам ўз омадини синаб кўраётгани ҳақида хабар берган эдик. Мамлакатимизнинг биринчи ракеткаси илк даврада британиялик Элла Макдональдни 6/4, 6/4 ҳисобида мағлубиятга учратди.

Таққослаш учун, Абдураимова WTA рейтингида 167, Макдональд эса 1138-ўринни эгаллаб турибди. Нигина Лафборо турнирининг биринчи ракеткаси сифатида ҳаракат қиляпти. Бугун юртдошимиз 1/8 финалда италиялик Анна Туратига қарши кортга чиқади. Турати рейтингнинг 407-поғонасидан жой олган. Ушбу учрашув бизнинг вақт билан соат 15:30дан кейин бошланади.