30 апр 11:14
Новости

Теннис

Нигина Абдураимова Оэйраш турнири финалида!

Португалиянинг Оэйраш шаҳрида теннис бўйича W60 тоифасига кирувчи турнир давом этмоқда.

Мукофот жамғармаси 60 минг еврони ташкил қилувчи ушбу мусобақада ҳамюртимиз Нигина Абдураимова ҳам муваффақиятли иштирок этяпти. Қувонарлиси, мамлакатимизнинг биринчи ракеткаси финал йўлланмасини қўлга киритди.

Дунёнинг 184-ракеткаси бўлиб турган Абдураимова роппа-роса 2 соат давом этган 1/2 финал учрашувида турнирнинг тўртинчи ракеткаси, WTA рейтингида 173-поғонада бораётган бельгиялик Грит Миннени 7/6(5), 6/3 ҳисобларида мағлубиятга учратди.

Бугун Нигина Абдураимова бош соврин учун кечадиган финал учрашувида португалиялик Франциско Хорхега қарши кортга чиқади. Мезбонлар вакиласи ярим финал баҳсида турнирнинг олтинчи ракеткаси, мексикалик Контрерас Гомесдан 6/4, 6/2 ҳисобида устун келди. Хорхе WTA рейтингида 314-поғонадан жой олган.