11 дек 10:33
Новости

Теннис

Нигина бу ҳафта Франциядаги турнирда иштирок этади, рақиб ҳам маълум

Бугун Франциянинг Лимож шаҳрида теннис бўйича W125 тоифасига кирувчи турнирнинг асосий тўр баҳслари старт олади.

Мукофот жамғармаси 125 минг долларни ташкил этувчи ушбу мусобақада ҳамюртимиз Нигина Абдураимова ҳам ўз омадини синаб кўради. Мамлакатимизнинг биринчи ракеткаси қуръа натижасига кўра, илк даврада швейцариялик Сюзан Бандеччига қарши кортга чиқадиган бўлди.

Таққослаш учун, Нигина WTA рейтингида 221, Сюзан эса 334-поғонадан жой олган. 1/6 финалдан ўрин олган Абдураимова - Бандеччи учрашуви эртага, бизнинг вақт билан соат 14:00да бошланади. Cюзан Швейцариянинг 9-ракеткаси ҳисобланади.

Эслатиб ўтамиз, Нигина Абдураимова кеча якунига етган Дубайдаги W100 тоифасига кирувчи турнирда нисбатан муваффақиятли иштирок этиб, 1/2 финалга қадар етиб борган ва бўлажак чемпионга имкониятни бой берган эди.