Нигина Люблянада дунёнинг 58-ракеткасига қарши кортга чиқди

Мукофот жамғармаси 115 минг долларни ташкил этувчи ушбу турнирда ҳамюртимиз Нигина Абдураимова ҳам ўз омадини синаб кўряпти. Афсуски, мамлакатимизнинг биринчи ракеткаси учун қуръа омадсиз келди. У илк даврадаёқ турнирнинг биринчи ракеткаси, жаҳон рейтингида 58-ўринни эгаллаб турган словакиялик Анна Каролина Шмидловага қарши кортга чиқди.

Бир соату 28 дақиқа давом этган баҳсда тажриба ўз сўзини айтди. Шмидлова ортиқча қийинчиликсиз 6/3, 6/2 ҳисобларида ғалаба қозониб, 1/8 финалга йўл олди. Теннисчиларнинг ўзаро иккинчи учрашувида ҳам Каролина зафар қучди. Илк учрашув бундан 8 йил аввал бўлиб ўтганди. Дунёнинг 192-ракеткаси бўлиб турган Нигина энди бор эътиборини жуфтликдаги иштирокига қаратади.