27 сен 12:16
Новости

Бокс/ММА

Ник Диас UFC октагонига қайтмоқда

Собиқ Strikeforce чемпиони Ник Диас UFC ўрта вазн тоифасида жанг ўтказади.

У 7 декабрь куни UFC 310 турнири доирасида октагонга чиқади. 41 ёшли Никнинг рақиби Висенте Люке бўлади. Аслида бу икки жангчи август ойида Абу-Дабидаги UFC турнири доирасида тўқнаш келиши керак эди. Аммо ўшанда сафар билан боғлиқ муаммо юзага келгани боис жанг бекор қилинганди.

Маълумот учун, Диас сўнгги бор 2021 йилнинг сентябрь ойида Робби Лоулер билан жанг ўтказганди. UFC промоушенидаги сўнгги ғалабаси эса бундан 13 йил олдин қайд этилганди. Ўшанда у UFC`да дебют қилган ва Би Жей Пенни очколар ҳисобига кўра таслим этган эди.