13 июн 17:31
Новости

Шахматы

Нодирбек Абдусатторов Дубайдаги рапид турнирида қатнашади

21 июнь куни Дубай шаҳрида шахмат бўйича нуфузли "Tech Mahindra" турнири бошланади.

Ушбу мусобақада ҳамюртимиз Нодирбек Абдусатторов ҳам иштирок этади. Баҳслар рапид йўналишида ва жамоавий тарзда ташкил этилади.

Нодирбек турнир давомида "Balan Alaskan Knights" жамоасида ўйнайди.

Регламентга кўра, жамоа таркибида 6 нафар гроссмейстер бўлади. Уларнинг 2 нафари катта, 2 нафари ёш ва яна 2 нафари аёллардан иборат бўлади.

"Balan Alaskan Knights" жамоаси таркибида Ян Непомняший, Теймур Ражабов, Тан Жонгйи, Нино Бациашвили, Раунак Садвани ва Нодирбек Абдусатторов дона суради.

Баҳслар 2 июлга қадар давом этади.