16 фев 13:26
Новости
Шахматы
Нодирбек Абдусатторов машҳур киберспорт клуби билан шартнома имзолади
NAVI (Natus Vincere) киберспорт клуби уч нафар шахматчи билан шартнома имзолаганини эълон қилди.
Эндиликда Нодирбек Абдусатторов, Уэсли Со ва Александр Бортник Украинанинг мазкур киберспорт клуби сафида ўйин ўтказади.
Жамоа эртага старт оладиган "Chessable Masters" онлайн турнирида ўз иштирокини бошлайди. Мусобақанинг мукофот жамғармаси 150 000 АҚШ долларини ташкил этади.
Энг яхши кўрсаткичга эга 12 нафар шахматчи 31 июль - 3 август кунлари Ар-Риёдда ўтказиладиган Esports World Cup (Киберспорт бўйича жаҳон чемпионати) да иштирок этади. Мазкур мусобақанинг соврин жамғармаси 1,5 миллион доллардан иборат бўлади.
Аввалроқ Магнус Карлсен мазкур мусобақада қатнашадиган Liquid билан, Дин Лижен эса LGD билан келишувга эришгани ҳақида хабар қилинганди.
Ссылка :
Источник : CYBERSLOVO
Комментарии