17 мая 13:19
Новости

Шахматы

Нодирбек Абдусатторов ва бошқалар Superbet Chess Classic Romania турниридан қанча мукофот пули ишлаб олди?

Хабар берганимиздек, Руминия пойтахти Бухарест шаҳрида классик шахмат бўйича нуфузли турнир бўлиб ўтди.

Grand Chess Tour 2025 таснифига кирувчи — Superbet Chess Classic Romania турнирининг мукофот жамғармаси 350 000 АҚШ долларини ташкил қилди. Дунёнинг кўзга кўринган 10 нафар гроссмейстери қаторида бош соврин учун ҳамюртимиз Нодирбек Абдусатторов ҳам кураш олиб борди.

Гроссмейстеримиз 9 имкониятдан 4,5 очко жамғариб, соф 5-ўринни эгаллади. У 10 кунлик меҳнатидан 6 GCT очкоси ҳамда 26 000 АҚШ доллари миқдорида мукофот пули ишлаб олди. Беш ярим очко тўплаб, қўшимча кўрсаткичларга кўра мусобақа чемпионига айланган ҳиндистонлик Рамешбабу Праггнанандҳа 10 очко ҳамда 77,667 АҚШ долларига эга бўлди.

Кучли учликдан жой олган франциялик шахматчилар ҳам 5,5 очкодан жамғаришди. Иккинчи ўрин соҳиби Максим Вашье-Лаграв ҳам, Алиреза Фирузджа ҳам бир хилда 67,667 долларга эга чиқишди. Сўнгги ўрин билан кифояланган польшалик Ян-Криштоф Дуда 10 500 доллар мукофот пулини қўлга киритди.