Нодирбек Якуббоев Жаҳон кубогини 4-ўринда якунлади

Мусобақада ярим финалгача етиб келган ҳамюртимиз Нодирбек Якуббоев 3-ўрин учун баҳсда россиялик Андрей Есипенкога қарши дона сурди ва иккинчи партияда ҳам имкониятни бой берди. 

Шу тариқа, гроссмейстеримиз мазкур қарама-қаршиликда 0:2 ҳисобида ютқазди ва Жаҳон кубогини 4-ўринда якунлайдиган бўлди. 

Ушбу муваффақият орқали Нодирбек 50 минг АҚШ доллари ишлаб олди. 

Эслатиб ўтамиз, Жаҳон кубоги финалида бошқа бир ҳамюртимиз Жавохир Синдаров хитойлик Вей Йи билан тўқнаш келмоқда. Иккита партиядан сўнг ҳозирча дуранг қайд этилмоқда. Ғолиб эртага тай-брэйкда аниқланади.