13 апр 12:44
Новости

Бокс/ММА

Нокаутли UFC 314 оқшомининг бонус соҳиблари маълум

Майами шаҳри мезбонлик қилган UFC 314 турнирининг бонус, яъни 50 000 АҚШ доллари миқдоридаги мукофот пули соҳиблари эълон қилинди.

Оқшомнинг асосий жанги бўлган Александр Волкановски ва Диего Лопес ўртасидаги чемпионлик тўқнашуви UFC 314 турнирининг энг яхши жанги деб топилди. Беш раунд давомида ажойиб жанг намойиш этиб берган ҳар икки аралаш яккакураш устаси бонусга лойиқ кўрилди.

Турнирнинг co-main event жанги иштирокчиси, британиялик Пэдди Пимблетт ҳам кафолатланган гонорардан ташқари қўшимча 50 000 долларлик чекка лойиқ кўрилди. У америкалик собиқ Bellator чемпиони Майкл Чендлерни учинчи раундда техник нокаут эвазига мағлубиятга учратганди.

Сўнгги бонус бразилиялик ярименгил вазн тоифаси вакили Жин Сильвага насиб этди. У иккинчи раундда Брайс Митчеллни бўғиш усули эвазига таслим этди.