09 июл 08:31
Новости

Теннис

Новак Жокович жаҳон рекордини ўрнатди

Сербиялик теннис афсонаси Новак Жокович фаолиятида еттинчи бор "Уимблдон" турнирининг финалига йўл олди.

Шунингдек, Жокович фаолиятида 32-маротаба "Катта Дубулға" турнирлари финалида ўйнайди. Бу эса жаҳон рекорди ҳисобланади. Бундан аввалги рекорд Рожер Федерерга тегишли бўлиб, швейцариялик теннисчи 31 та (20 ғалаба ва 11 мағлубият) финалда иштирок этганди. Бу борада Рафаэль Надалнинг натижаси 30 та (22 ғалаба ва 8 мағлубият) финалдан иборат.

Бундан ташқари, Новак Жокович майса кортлардаги кетма-кет 27-ғалабасини тантана қилди.