19 фев 14:48
Новости

Теннис

Новак Жокович кутилмаганда илк даврадаёқ ютқазиб қўйди

Дунёнинг еттинчи ракеткаси бўлиб турган Новак Жокович Қатардаги турнирнинг илк даврасидаёқ мағлубият аламини тотиб кўрди.

Сербиялик теннис юлдузи ATP рейтингида 35-ўринни эгаллаб турган италиялик Маттео Берреттинига 6/7(4), 2/6 ҳисобида имкониятни бой бериб қўйди. Маттео ўзаро учрашувларда илк бор Новакдан устун келди - 1:4.

Тўқсон уч дақиқа давом этган баҳсда Жокович 9, Берреттини 13 та эйс зарбасини амалга оширган. Иккала теннисчи ҳам биттадан қўшхатога йўл қўйди. Брейклар бўйича устунлик италиялик томонида бўлди - 2 га 0! Энди у 1/8 финалда нидерландиялик Тэллон Грикспорга қарши кортга чиқади.