24 ноя 08:16
Новости
Теннис
Новак Жокович: "Сўнгги 15 йилда Надаль ва Федерер билан отам-онамдан кўра кўпроқ кўришдим"
ATP рейтинги етакчиси Новак Жокович "учликдаги" рақобатчилари Рафаэль Надаль ва Рожер Федерер билан учрашувлари ҳақида гапирди.
- Сиз Рафаэль Надаль ва Рожер Федерер билан дўст бўла олмаслигингиз сабабини оддий қилиб тушунтиргандингиз - улар асосий рақобатчилар! Сиз уларнинг барча рекордларидан ўзиб кетганингиздан улар мамнунмикан?
- Биз ростдан ҳам дўст бўла олмаймиз. Чунки дўстлар билан исталган мавзуда: яхшилик, ёмонлик ва сирлар ҳақида гаплашса бўлади... Сирларни рақобатчилар билан бўлишиш эса ноқулай. Сўнгги 15 йил давомида Надаль ва Федерер билан отам-онамдан ҳам кўпроқ кўришдим. Демак, улар ҳам менинг фаолиятимдаги энг муҳим қисмлардан бири ҳисобланади.
Уларнинг фаолиятига жуда катта ҳурмат билан қарайман. Биз узоқ вақт давомида рақобат қилдик ҳамда катта йўлни босиб ўтдик. Барчаси тугаганидан кейин буни хотиржам кўриб чиқамиз, - деди Жокович.
Ссылка :
Источник : Marca
Комментарии