15 янв 19:42
Новости
Другие
Нуфузли Masters 2023 снукер турнирида финалчилар маълум
Лондон шаҳрида снукер бўйича нуфузли Masters 2023 турнири бўлиб ўтмоқда.
Дунё рейтингида Топ-16 снукерчилари ўртасида ўтаётган мусобақанинг финалига уч карра жаҳон чемпиони Марк Уильямс ҳамда 2019 йилги жаҳон чемпиони Жадд Трамп йўл олишди.
Рейтингда 7-рақам остида таснифланган Уильямс 1/2 финалда Жек Лисовски (жаҳон рейтингида 12-рақам) устидан 6:0 ҳисобида устун келди. Дунёнинг 4-рақамли снукерчиси бўлиб турган Трамп эса рейтингда ўзидан 10 поғона қуйида бораётган Стюарт Бинэмни 6:1 ҳисобида енгди. Бугун финал учрашуви бўлиб ўтади.
Маълумот учун, ўтган йили ушбу Masters турнирида 2010 йилги жаҳон чемпиони, австралиялик Нил Робертсон ғалаба қозонганди. У финалда Барри Хокинсни 10:4 ҳисобида мағлубиятга учратган эди.
Ссылка :
Источник : championat.com
Комментарии