25 окт 10:41
Новости
Спортивная борьба
Нукусда қорақалпоғистонлик ёш эркин курашчилар сараланди
Нукус шаҳридаги Республика спортнинг якка кураш турлари бўйича ихтисослаштирилган спорт мактабида 2006 йилда туғилган ўсмирлар ва ундан катта ёшдагилар ўртасида эркин кураш бўйича Қорақалпоғистон Республикаси чемпионати бўлиб ўтди.
Мусобақада Хўжайли, Бўзатов, Нукус, Қораўзак туманлари ва Нукус шаҳридаги спорт мактабларидан 100 дан зиёд спортчи иштирок этиб, 10 вазн тоифасида беллашди. Баҳслар халқаро (UWW) эркин кураш қоидаларига мувофиқ олиб борилди.
Якунда Рустам Собиров (57 кг), Эркинбой Абдуайитов (61 кг), Мийрас Кушмуратов (65 кг), Жалолиддин Исмоилов (70 кг), Пердосим Мамбеткаримов (74 кг), Эрсултон Тлевниёзов (79 кг), Тлевберген Дурисбергенов (92 кг), Ойназар Бозорбоев (125 кг) тегишли вазн тоифасида ғолиб бўлди.
Ғолиб спортчилар мусобақа ташкилотчилари томонидан диплом ва эсдалик совғалари билан тақдирланди.
Ссылка :
Источник : uza.uz
Комментарии