Нурсултон Рўзибоев нега ҳалигача UFC билан шартнома имзоламаётганини айтди

Ҳамюртимиз аввалги интервьюсида ҳам бошқа лига билан ўртасида келишув борлиги, лига уни қўйиб юбормаётганини айтган эди.

Маълум бўлишича, Рўзибоев ҳали ҳам лига билан ўртадаги шартномани бекор қила олмаган.

"Америкага кетиш ниятим бор. Бир-икки ҳафтани ичида кетаман. Ўзбекистонда туриб, кутгандан кўра, ўша ерда юриб, машғулотларни қилиб, тайёр турган яхши. Мени ўзимга келадиган бўлсак, ўтган сафар айтганимдек, лига билан шартномам бор эди, улар қўйиб юборгиси келмаяпти. Ҳали ҳам узилгани йўқ. Шуни кутиб, бориб яна машғулот қилиб, тайёр бўлиб кутиб турсам-у, қоғозим йўқ бўлгани учун яна қайтиб келмай, деб кетмай турган эдим. Худо хоҳласа, ҳал бўлади, дейишяпти. Лекин ҳали ҳал бўлгани йўқ. Июнь ойида кутайликчи, ҳал бўлса, тайёргарлик қилиб, жанг қилиб келамиз", - деди Нурсултон Рўзибоев BugunSport каналига берган интервьюсида.