03 янв 07:22
Новости

Бокс/ММА

Нурсултон Рўзибоев UFC'да 2023 йилнинг энг яхши дебютанти бўлиш учун номзодлар рўйхатига киритилди

UFC Eurasia якунланган йилнинг энг яхшиларини аниқламоқда.

Биз учун аҳамиятлиси, ҳамюртимиз Нурсултон Рўзибоев лиганинг 2023 йилдаги энг яхши дебютанти бўлиш учун номзодлар қаторига киритилди.

Аралаш яккакураш устамиздан ташқари ушбу номинация ғолиблиги учун россиялик Шарабутдин Магомедов, Икрам Алискеров, қозоғистонлик Асу Алмабаев, қирғизистонлик Оролбай Миктибек ва Тожикистон вакили Нурулло Алиев кураш олиб бормоқда.

Ғолиб UFC Fight Pass платформасида ўтказиладиган овоз бериш жараёни якунига кўра аниқланади.

Эслатиб ўтамиз, Нурсултон Рўзибоев 2023 йил UFC'да битта жанг ўтказди. У ўзининг дебют жангида бразилиялик Бруно Феррейрани биринчи раунддаёқ нокаутга учратган эди.