Нурсултон Рўзибоев UFCдаги дебют олдидан: "Ғалаба қозонсам, яна жанг сўрайман"

- Бу кунни узоқ кутдим. Тайёргарлигим яхши. Насиб қилса, жангда яхши ҳаракат қилиб, чиройли ғалабага ҳаракат қиламиз. 

- Фаолиятингда 40 дан ортиқ профессионал жанг бор. Ҳаёлингда балки UFCга етиб бора олмасамчи, деган фикрлар ўтганми? 

- Аввалданоқ буни ният қилиб келганман. Доимо бунга эришаман деб ҳаракат қилганман. Лекин бўлмайди деган ҳаёл ҳам ўтган. Мана Худога шукр, бу амалга ошадиган бўляпти. 

- Фаолиятинг қизиқарли. Сўнгги 8 та жангинг мағлубиятсиз бўлган. Ғалабаларингни сири нимада? 

- Сўнгги маротаба 2019 йилда ютқазгандим. Кейин эса тайёргарликни кучайтириб, олдингидек таваккал қилиб чиқардим. Олдин кўп захира жангчиси сифатида чиқардим, ўшанда мағлубиятлар бўлган. 

- Сен йилига 12-13 та жанглар ўтказган даврлар бўлган. Тушунарлики, UFCда бундай бўлмайди. Бу сен учун яхшими ёки сен тез-тез жанглар қилишни истайсанми? 

- ИншаАллаҳ бу жангни ютсам, яна жанг сўрайман. Тез-тез жанг қилишга ҳаракат қиламан.

- Кўпчилик сени илк бор октагонда кўришади. Сендан нималарни кутишлари мумкин бўлади? 

- Жангим асосий кардга қўйилибди. Шунга муносиб равишда жанг ўтказишга ҳаракат қиламан.