28 мар 12:18
Новости

Бокс/ММА

Octagon 71 турнирида иштирок этадиган ҳамюртларимиз сони бир нафарга кўпайди

Хабар берганимиздек, 19 апрель куни Қозоғистоннинг Олма-Ота шаҳридаги "Балуан-Шолак" мажмуасида ММА бўйича Octagon 71 турнири бўлиб ўтади.

Мусобақада ярим оғир вазн тоифасидаги ўзбекистонлик аралаш якка кураш устаси Ҳабиб Газиев ҳам қатнашадиган бўлди.

Лига матбуот хизмати берган хабарга кўра, юртдошимиз Қозоғистоннинг таниқли вакили Керим Даидов билан тўқнаш келади.

Маълумот учун, Газиев фаолияти давомида учта жанг ўтказиб, уларнинг барчасида ғолиб бўлган. Деидов ҳисобида эса 10 та ғалаба ва 1 та мағлубият мавжуд.

Аввалроқ, мусобақада Асадбек Саидов, Жавоҳир Имамов, Сардор Худойбердиев каби ҳамюртларимиз жанг қилиши ҳақида хабар берган эдик.