Octagon League собиқ чемпиони Ислом Болтаев ҳам кейинги жангини Фарғонада ўтказади (ПОСТЕР)

Мусобақадан ўрин олган яна бир жанг эълон қилинди.

Маълум бўлишича, ўрта вазн тоифасида Қозоғистоннинг Octagon League ташкилоти собиқ чемпиони, ўзбекистонлик аралаш якка кураш устаси Ислом Болтаев турнир доирасида қирғизистонлик Данияр Исмаилов билан баҳс олиб боради.

Аввалроқ, ATFC 25 турнирида яна бир таниқли аралаш якка кураш устамиз — Ҳумоюн Тўхтамуродов иштирок этиши ҳақида хабар берган эдик.

Ислом Болтаев фаолияти давомида ҳозирга қадар 9 та жанг ўтказиб, 6 та ғалаба ва 3 та мағлубият қайд этган. 35 ёшли Данияр Исмаилов ҳисобида эса 13 та ғалаба, 18 та мағлубият ва 1 та дуранг мавжуд.