14 сен 17:51
Новости

Бокс/ММА

Octagon лигаси Муҳаммаджон Қурбонов иштирокидаги чемпионлик жангини расман эълон қилди + ПОСТЕР

Аввал маълум қилганимиздек, ярим енгил вазн тоифасида Қозоғистоннинг Octagon лигаси чемпиони, ўзбекистонлик Муҳаммаджон Қурбонов (10-4-0) илк ҳимоя жангини тожикистонлик Фарҳод Давлатовга (7-2-0) қарши ўтказади.

Лига матбуот хизмати мазкур жангни расман эълон қилди. Жанг 21 октябрь куни Қозоғистоннинг Олма-Ота шаҳрида ташкил этиладиган Octagon 51 турнири доирасида ўтказилади.

Эслатиб ўтамиз, Муҳаммаджон Қурбонов март ойида қирғизистонлик Аргенбек Абдикадир Улууни енгиб, чемпионлик камарини қўлга киритган эди.

Фарҳод Давлятов эса ўзининг охирги жангини ўтган йилнинг декабрь ойида қирғизистонлик Арсений Азамат Улууга қарши ўтказиб, очколар ҳисобига кўра зафар қучганди.