Одилхон Камоловнинг навбатдаги жанги санаси ва манзили маълум бўлди. У буни фаолиятидаги сўнгги жанг бўлишини айтган

Унга кўра, ярим енгил вазн тоифасида жанг қилувчи Одилхон 18 ноябрь куни Қозоғистоннинг Олма-Ота шаҳрида жойлашган "Балуан-Шолак" аренасида ташкил этиладиган Octagon 52 мусобақасида жанг қилади. Унга ким рақиблик қилиши ҳозирча маълум эмас.

Қизиғи, Одилхон Камоловнинг ўзи Instagram саҳифаси орқали бу жанг катта эҳтимол билан фаолиятидаги сўнггиси бўлишини айтиб ўтган.

Эслатиб ўтамиз, Одилхон Камолов сўнгги бор жорий йилнинг 4 март куни Тошкентдаги Octagon 42 мусобақасида тожикистонлик  "Камил Каратэ" билан жанг қилганди. Ўша жангда Камилнинг биринчи раундда жароҳат олиши натижасида жанг ўтказилмаган деб топилган эди.