Одилхон: "Мен ҳали мағлубият ва синовли кунларни кўрмаган эканман!"

Ўзбекистонлик 21 ёшли аралаш яккакураш устаси, Octagon жангчиси Одилхон Камолов инстаграм саҳифаси орқали мағлубиятидан сўнг яна бир бор пост қолдирди.

"Ин Ша Аллаҳ январь ойида қайтамиз. Олдиндаги 2 ой тезда ўтиб кетар. Аммо мен учун асрлардек ўтиши кутиляпти. Биласизми, бироз ўйга толиб кўзимни очдим ва ортга қарадим. Мен ҳали мағлубият ва синовли кунларни кўрмаган эканман! Ҳар қадамда олқишлар ва мақтовлар кўзимни кўр қилибди! Энди эса аслида ким учун ким эканимни билдим. Озгина табассум қилдим ва кучли бўлишга ўз-ўзимга ваъда бердим. Қудратли инсон бўлишни истайман ва бу йўлдаги синовларни енга олишимга ишонаман. "ОНА БИЗ УДДАЛАДИК" деган сўзни икки ойдан кейин эшитасиз Ин Ша Аллаҳ! Қишки уйқуга кеттик. Биз ҳали кучли бўлиб қайтамиз!!!", - деб ёзган Одилхон Камолов.